Павлодарда жылу беру желісінде апат болып, көшеде ыстық су атқылады

Апат орын алған жерде жөндеу жұмыстары жүргізіліп жатыр, деп хабарлайды Zakon.kz.

Pavlodarnews.kz мәліметінше, жылу беру желісіндегі апат сорғы стансасы іске қосылған кезде орын алған, сондай-ақ Мүткенов көшесінде атқылап жатқан ыстық субұрқақтың жоғары температурасы 65 градусты құрайды.

"Павлодарэнерго" АҚ бұл ақпаратты растады.

"Диаметрі 400 мм тоқсандық жылу желісінің зақымдануы №4 сорғы станциясын іске қосу кезінде пайда болды. Коммуналдық қызметтер апаттық учаскеде су беруді тоқтатты. Жөндеу бригадалары зақымдалған жерде жұмыс істеуде", делінген хабарламада.