Қатардағы жауынгер басына тиген оқ жарақатынан қаза тапты

9 қазанда 6636 әскери бөлімінің әскери қызметшісі қатардағы жауынгер Сұлтанов Қайсар Маратұлы әскери қалашықты күзету жөніндегі кезекші бөлімшенің құрамында қызметке кірісті, деп хабарлайды Zakon.kz.

Штаб бойынша кезекші және кезекші бөлімшенің командирі сағат 01.20 шамасында жауынгерлердің қызмет өткеруін тексеру кезінде қатардағы жауынгер Қ.М. Сұлтановты өз бекетінде басына тиген оқ жарақатымен тапты. Оқиға орнына келген жедел жәрдем қызметкерлері сарбаздың қайтыс болғанын мәлімдеді.

Оқиғаның мән-жайы анықталуда. Қызметтік тергеу жүргізілуде.

"6636 әскери бөлімінің қолбасшылығы қатардағы жауынгер Қ.М. Сұлтановтың туыстары мен жақындарына көңіл айтады." ҚР Ұлттық ұланының баспасөз қызметі

ҚР ҚІЖК-нің 201-бабына сәйкес өзге де ақпарат тергеу мүддесіне сай жария етілмейді.