Ақтауда спортшыны өлтірді: іс сотқа жіберілді

Ақтауда спортшы Валерия Шалнованың атышулы өліміне қатысты қылмыстық іс сотқа жіберілді, деп хабарлайды Zakon.kz.

13 қазан күні аймақтық Lada.kz басылымы жәбірленушінің адвокаты Ажар Әбділге сілтеме жасап, Ақтау соты Валерия Шалнованың өліміне қатысты қылмыстық істі қарайтынын хабарлады. Жақында алғашқы алдын ала кеңес өтеді.

Сотталушы үш бап бойынша айыпталады: ҚР Қылмыстық кодексінің 99-бабы, 2-бөлімнің, 10-тармағы, ("Сексуалдық сипаттағы зорлық-зомбылық әрекеттерімен байланысты кісі өлтіру"), Қылмыстық кодекстің 121-бабы, 1-бөлімі ("Жәбірленушіге күш қолданумен сексуалдық сипаттағы зорлық-зомбылық жасау"), Қылмыстық кодекстің 191-бабы ("Тонау, бөтеннің мүлкін ашық ұрлау").

Қоян-қолтық жекпе-жектен Қазақстанның екі дүркін чемпионы Валерия Шалнованың өліміне қатысты қылмыстық істі тергеу аяқталғаны 2 қазанда белгілі болды. Тергеу барысында кейбір полицейлердің аса ауыр қылмысты жасырмақ болғаны анықталды. Аталған полиция қызметкерлеріне қатысты жеке іс қозғалды.

21 жастағы спортшы Валерия Шалнованың мәйіті 2 шілде күні Ақтауда су алатын арнадан табылды. Әуелі "Өзін-өзі өлтіруге итермелеу" бабы бойынша қылмыстық іс қозғалды. Кейін полицейлер бұл істі алдымен "Қауіпті жағдайда қалдыру" бабы бойынша, соңында ҚР Қылмыстық кодексінің 99-бабы "Кісі өлтіру" бойынша қайта саралады. Такси жүргізушісі полицияға қылмысты ашуға көмектескен мәліметтерді айтып берді.