"Екібастұзжылуэнерго" ЖШС объектілеріндегі апатқа қатысты қылмыстық іс сотқа жолданды
Сурет: gov.kz
2022 жылы 30 қарашада Павлодар облысының прокуратурасы ҚР ҚК 254-бабы бойынша сотқа дейінгі тергеп-тексеруді бастаған (коммерциялық ұйымдағы міндеттеріне адал қарамау) болатын.
"Тергеу барысында Екібастұз ЖЭО-да ғимараттар мен құрылыстардың техникалық жай-күйінің тиісті жағдайда болмауы салдарынан қысым датчигінің импульстік түтігі қатып қалғаны, нәтижесінде реттеуші жалған көрсеткіштер негізінде сумен қоректендіруді ұлғайтқаны анықталды". Павлодар облысы прокуратурасының баспасөз қызметі
Құзырлы ведомство бұдан әрі химиялық цехтың қызметкерлері тағы екі сорғыны қосқандықтан, қысым көтеріліп, ЖШС-ның жылу желілерінде көптеген бұзылыстарға әкеліп соқтырғанын нақтылайды.
"Жүргізілген сараптамалар (металдар мен қорытпаларды зерттеу, құрылыс-техникалық және энергетикалық-технологиялық) құбырлар магистралінің 100% пайдаланудан тозуы, қазандық турбиналық және су жылыту цехтарының бас корпусы конструкциясының авариялық жай-күйі, басшылық пен жедел персоналдың қате және келісілмеген әрекеттері анықталды, бұның бәрі апатқа әкелді". Павлодар облысы прокуратурасының баспасөз қызметі
Сондай-ақ, аудит, МСҚБ, ТЖД, СЭС, еңбек басқармасы, ДРЭМ, ҚМА және ҚР ЭМ мамандары тартылды, олар ЖШС электр станциялары мен желілерін техникалық пайдалану кезінде көптеген бұзушылықтарды анықтады.
2023 жылы 16 мамырда ЖШС бұрынғы бас директорының, ЕЖЭО және ЭЖС директорларының іс-әрекеттері ҚР ҚК 254-бабы бойынша сараланды.
2023 жылы 22 мамырда тергеу аяқталды және 2023 жылы 15 маусымда прокурор зерделегеннен кейін іс мән-жайы бойынша қарау үшін Екібастұз қалалық сотына жіберілді.
"Сонымен қатар, 2023 жылы 11 қаңтарда ҚР ҚК-нің 371-бабы 2-бөлігі (салғырттық) бойынша жылыту маусымына жауапты лауазымды тұлғалардың немқұрайлылығы фактісі бойынша сотқа дейінгі тергеу басталды, онда екі фигурант (аумақтық Энергетикалық қадағалау департаментінің басшысы және Екібастұз қаласының ТКШБ басшысы), яғни өкілеттіктеріне байланысты жылыту кезеңінде ЖШС қызметін қадағалау және тиісті бақылауды қамтамасыз етуге міндетті тұлғалар анықталды және күдікті деп танылды". Павлодар облысы прокуратурасының баспасөз қызметі
Облыстық прокуратура осы факті бойынша тергеу жалғасуда екенін, ҚР ҚІЖК 47, 201-баптарының талаптарына сәйкес өзге ақпарат құпиялылықты және қылмыстық сот ісін жүргізуге қатысушылардың құқықтарын сақтау мақсатында жария етуге жатпайтынын да жеткізді.
Айта кетсек, қыс бойы жылудан қиналған тұрғын "Екібастұзжылуэнергоны" сотта жеңіп шыққаны хабарланған болатын. Қатты суық кезінде отбасы қиналғанын, балалары ауырып, ауруханада жатқанын айтқан талапкер жауапкерден материалдық залалды өтеуді сұрап, сотқа жүгінген.
