Fly Arystan лоукостері Air Astana-дан қашан бөлінеді
Сурет: Zakon.kz
Оның айтуынша, үкімет FlyArystan құрылымдық бөлімшесін жеке заңды тұлғаға бөлудің кезең-кезеңімен жоспарын әзірлеген.
"FlyArystan" АҚ жарғысы бекітілді. Қайта тіркеу рәсімдері жасалып жатыр. Компанияның ұйымдық құрылымын қалыптастыру, әуе кемелерін беру және "FlyArystan" АҚ қызметінің басқа да бағыттары, оның ішінде жекелеген ережелерді енгізу, кірістер мен шығыстардың есебі бойынша жұмыстар істеліп жатыр". Әлихан Смайылов
Әлихан Смайыловтың айтуынша, FlyArystan операторының жеке куәлігін алу үшін құжаттар 2023 жылдың 4-тоқсанында тапсырылады.
Премьер-министр бұл шаралар нарық субъектілері арасындағы бәсекелестік арқылы әуе билеттерінің құнын төмендетуге, бәсекелестік ортаны дамытуға оң әсер ететінін атап өтті.
Бұған дейін Air Astana президенті Питер Фостер FlyArystan қызметінің негізгі авиакомпаниядан неліктен ерекшеленетінін түсіндірді. FlyArystan әуе компаниясының классикалық арзан баға үлгісінің қағидасы бойынша құрылған. Бұл модельдің мәні жолаушының өзіне қажет және ол үшін төлеуге дайын қызметтерді таңдауына байланысты. Сондықтан негізгі тарифке ешқандай қосымша қызметтер кірмейді, бірақ кез келген адам багажды, сусын мен тағамды қосымша таңдай алады.
