Бренд зергерлік бұйымдар контрабандасы: Астанада әйел адам мен кеденші ұсталды

Бренд, зергерлік бұйым контрабандасы, ҚР ҚМА, сурет - Zakon.kz жаңалық 20.10.2023 13:24

Сурет: unsplash

Астана әуежайында контрабандалық зергерлік бұйымдар тасымалының жолы кесілді. Бұл жөнінде 2023 жылғы 20 қазанда Қазақстан Республикасы Қаржылық мониторинг агенттігінің баспасөз қызметі мәлімдеді, деп хабарлайды Zakon.kz.

"Түркиядан контрабандалық зергерлік бұйымдарды әкеліп, елорда әуежайында кедергісіз өту үшін пара бермек болған азаматқа қатысты сотқа дейінгі тергеп-тексеру жұмыстары басталды", деп мәлімдеді", – ҚР ҚМА Ресми өкілі Әлібек Әбділов.

ҚМА елордалық департаментінің қызметкерлері анықтағандай, бренд зергерлік бұйымдардың құны 57 млн теңге болған.

Сонымен қатар бұл азамат багажды өткізгені, тексергені және кедергісіз кедендік ресімдегені үшін елорда әуежайының кеден бекетіндегі лауазымды тұлғаға 860 мың теңге пара берген.

"Сот күдіктілерге екі айға дейін қамауда ұстау түріндегі бұлтартпау шарасын санкциялады. Қазіргі уақытта сотқа дейінгі тергеу амалдары жүргізілуде".Әлібек Әбділов

ҚР ҚПК-нің 201-бабына сәйкес, өзге мәліметтер тергеу мүддесі аясында жария етілуге жатпайды.

Оқи отырыңыз