"Малшы ауылға түнеген". Жетісу облысында жоғалған екі жасөспірім аман-есен табылды

Құтқарушылар, Жетісу облысы, жоғалған жасөспірім, сурет - Zakon.kz жаңалық 24.10.2023 20:38

Сурет: Жетісу облысы ТЖД баспасөз қызметі

2023 жылы 24 қазанда сағат 08:00-да ТЖД құтқарушыларына Талдықорған қаласының Алмалы саяжай қоғамының ауданында екі жасөспірім жоғалып кеткені туралы хабарлама келіп түсті, деп хабарлайды Zakon.kz.

Іздестіру-құтқару жұмыстарын жүргізу үшін оқиға орнына Жетісу облысы ТЖД Жедел-құтқару жасағының құтқарушылары дереу аттанды.

Кейінірек белгілі болғандай, 2009-2010 жылы туған Ащыбұлақ саяжай қоғамында тұратын жасөспірімдер 22 қазанда кешке үйден шығып, қайтып оралмаған.

"24 қазанда сағат 10:23-те ТЖД құтқарушылары мен полиция қызметкерлері Ащыбұлақ су қоймасы маңында, шаруа қожалығының аумағында табылды. Балалардың телефон қуаты таусылып, фермердің үйінде түнеуге шешім қабылдаған. Құтқарылғандардың жағдайы тұрақты, медициналық көмекке мұқтаж емес". Жетісу облысы ТЖД баспасөз қызметі

Өңірлік ТЖД балалардың бос уақытын ұйымдастыруға ерекше назар аудару қажеттілігін ата-аналардың есіне салады. Балаңыздың қайда бара жатқанын және болжамды қайту уақытын білу қажет.

"Балалардың өмірінің қауіпсіздігі көптеген жағдайларда Сізге байланысты. Төтенше жағдай туындаған жағдайда құтқару қызметінің тәулік бойғы бірыңғай "112" немесе "101" нөміріне қоңырау шалыңыз", делінген хабарламада.

Оқи отырыңыз