Шымкентте 16 жасар бала скутермен апатқа ұшырап, қаза тапты

Шымкентте 9 қараша күні 16 жастағы скутер жүргізушісі жол апатына ұшырап, қаза болды, деп хабарлайды Zakon.kz.

10 қарашада Шымкент қаласы полиция департаментінің баспасөз қызметінің мәлімдеуінше, 9 қараша күні сағат 19:40 шамасында Мұғалжар мен Алпамыс батыр көшелерінің қиылысында Zhweki скутері мен Kia Optima көлігінің қатысуымен жол-көлік оқиғасы болды.

Скутерді кәмелетке толмаған бала жүргізіп келе жатқан. Ол оқиға орнында көз жұмды.

Іс бойынша тиісті сараптамалар тағайындалды. Сотқа дейінгі тергеп-тексеру жүргізіліп жатыр.