Ақтөбе облысында жантүршігерлік жол апаты болып, үш адам қаза тапты

Ақтөбе облысында жол апатынан үш адам қаза тапты, деп хабарлайды Zakon.kz.

Полицейлердің мәліметінше, 19 қараша күні сағат 05:45 шамасында Ақтөбе –

Орынбор тас жолының 73 шақырымында, Мәртөк ауылының маңында Audi, Lexus және Subaru Forester көліктерінің қатысуымен жол апаты болды.

"Жол апаты салдарынан Lexus және Subaru көліктерінің жүргізушілері, Subaru-да келе жатқан жолаушы оқиға орнында қаза тапты, Lexus көлігінің жолаушысы ауруханаға жатқызылды", – делінген хабарламада.

Қазір сотқа дейінгі тергеу амалдары жүргізіліп жатыр.