Жамбыл облысы прокуратурасы Консультативтік кеңесі жанынан балалардың құқығын қорғау штабы ашылады
Сурет: Жамбыл облысы әкімдігі
"Балалар өз проблемаларын жасырады" - облыс прокуроры кәмелетке толмағандарға қатысты қылмыстар туралы.
Профилактикалық жұмыстар кезінде бала жағымсыз салдар мен жариялылықтардан қорықпай, бар проблемасы туралы хабарлай алатын жағдайларды міндетті түрде жасау қажет.
Сондықтан Консультативтік кеңестің шешімін орындау аясында өңірде барлық оқушылар үшін уәкілетті органдарды өз проблемалары туралы анонимді түрде хабардар ету мүмкіндігін беретін "Саған көмек!" бағдарламасының жүзеге асырылуы басталды.
"Мектеп психологтарының тиімсіздігін Жамбыл облысының прокуратурасы атап өтті".
Облыс прокуроры балалардың алдында тұрған проблемаларды психологтардың ерте анықтау қажеттігіне назар аударды. Орта есеппен 600-700 балаға бір психолог келеді. Бұл ретте олардың балалармен жұмыс істеу кестесінде бөлек сағаты жоқ. Оған қоса төмен жалақы мен біліктілік профилактикалық әсер бермейді. Осыған байланысты Консультативтік кеңестің ұсыныстары бойынша Тараз қаласында Педагог қызметкерлері мен психологтардың біліктілігін арттыру орталығы ашылды.
Қазір Орталық аясында 350 педагог-психолог дайындықтан өтті. Сондай-ақ "Балалардың қауіпсіздігі – қоғамның міндеті" форумының қорытындысы бойынша мектеп психологтарының жұмысын ұйымдастыруды қайта қарау ұсынылды.
"Жамбыл облысының прокуратурасы сенімхат бойынша тәрбиеленетін 1 600-ден астам баланы анықтады".
Прокурорлар берілген нотариаттық сенімхаттар негізінде отбасыларда тәрбиеленетін 1600-ден астам баланы анықтады, яғни 1600 бала іс жүзінде заңды өкілдерсіз тұрады. Осыған байланысты прокурорлық ден қою актісі бойынша нотариустардың мұндай тәжірибесі тоқтатылды, кінәлі адамдар жауапқа тартылды.
Облыс прокуратурасының бастамасы бойынша ата-ананың нақты орналасқан жерін анықтау, сондай-ақ олардың тұру және тәрбиелеу жағдайларын тексеру мақсатында барлық осындай балалар бойынша қарсы барып тексерулер ұйымдастырылды. Облыстың Нотариаттық палатасы осындай сенімхаттардың күшін жою бойынша жұмысты бастады.
"Әрбір ата-ана сияқты қоғам да баланы тәрбиелеуге жауапты" - дейді облыс прокуроры.
Жүргізілген талдау толық емес және игілікті отбасыларда да тәрбиеленетін балалар қылмыстың құрбандары болатынын көрсетеді. Жыныстық иммунитетке қарсы әрбір екінші қылмыс жақын адамдармен, сондай-ақ балалар ұзақ уақыт бойы ата-анасының қарауынсыз қалған отбасыларда жасалады.
Сурет: Жамбыл облысы әкімдігі
Қалыптасқан жағдай ата-аналар мен қоғамның кәмелетке толмағандарды тәрбиелеуге жеткіліксіз қатысуын көрсетеді. Қазіргі шындықта ата-аналардың мектептердегі ата-аналар жиналысына немесе балаларға арналған басқа іс-шараларға қатысуға уақыты жоқ. Нәтижесінде ата-аналар балалардың проблемалары туралы бейхабар болады.
Сондықтан облыс прокуратурасы ата-аналардың ата-аналар жиналыстарына қатысу, ал жұмыс берушілердің тиісті үзілістер беру міндеттерін көздейтін заңнамалық ұсыныстар дайындады ("Неке (ерлі-зайыптылық) және отбасы туралы" Кодекс, Еңбек кодексі).
"Жамбыл облысы прокуратурасының Консультативтік кеңесінің жанынан балалардың құқықтарын қорғау жөніндегі Штаб ашылады".
"Балалардың қауіпсіздігі – қоғамның міндеті" Форумына қатысушылар Жамбыл облысы прокуратурасының Консультативтік кеңес жанынан Балаларды қорғау жөніндегі арнайы штаб құру туралы ұсыныстарын қолдады.
Үйлестіру мақсаты – жасөспірімдер қылмысының, кәмелетке толмағандарға қатысты қылмыстардың деңгейін тұрақты мониторингтеу, олардың жасалу себептері мен жағдайларын белгілеу, алдын алу тетіктері мен әдістерін жетілдіру. Штаб құрамына уәкілетті мемлекеттік және құқық қорғау органдары кірді.
