Қарағанды облысы полиция департаментінің қызметкері ұрлық жасады деген күдікке ілінді
Сурет: Zakon.kz
Ішкі істер министрлігі Қарағанды облысы полиция департаментінің қызметкері Рустам Күлкеевке іздеу салды, деп хабарлайды Zakon.kz.
Облыстық полиция департаментінің тергеу басқармасының бұрынғы бастығы ұрлық жасады және қызметін асыра пайдаланды деген күдікке ілінді, деп мәлімдеді КТК арнасы.
Рустам Күлкеев 2021 жылы Тергеу басқармасын басқарып тұрған тұсында қызметтік өкілеттігін пайдаланып, айғақ ретінде алынған майнинг құрылғыларын қолды қылған деп айыпталуда. Арнаның мәліметінше, оған басқарманың тағы бір тергеушісі көмектескен.
Ол айғақтарды қолды қылу ісінде күдікті ретінде тергеу әрекеттерін жүргізуге келмей қалған. Үйінде де жоқ болып шықты. Жақын арада тергеуге бармаса, оған халықаралық іздеу жариялануы мүмкін.
Күлкеев соңғы жұмыс орны Саран қаласы полиция бөлімі бастығы қызметінен екі ай бұрын босатылған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
