"АрселорМиттал Теміртауға" бұрынғы "Қармет" атауы қайтарылуы мүмкін

Желтоқсанның 8-і күні Өнеркәсіп және құрылыс министрі Қанат Шарлапаев "АрселорМиттал Теміртауға" бұрынғы "Қармет" атауы қайтарылуы мүмкін екенін айтты, деп хабарлайды Zakon.kz.

Министр мұны дұрыс деп есептейтінін атап өтті.

"Біздің ойымызша, оның "Қармет" деген тарихи атауын қайтару дұрыс болар еді, облыс қызметкерлері мен тұрғындары бізді қолдайды деп ойлаймын". Қанат Шарлапаев

"АрселорМиттал Теміртаудың" жаңа инвесторы қазақстандық кәсіпкер Андрей Лаврентьев болады.

2023 жылғы 8 желтоқсан күні Қазақстан Үкіметі мен ArcelorMittal арасындағы ArcelorMittal Temirtau және ArcelorMittal Tubular Products Aktau-ды беру жөніндегі келіссөздер аяқталды.