СҚО-да алаңдағы жаңа жылдық шырша түгі қалмай өртеніп кетті

27 желтоқсанда Солтүстік Қазақстан облысы, Қызылжар ауданы, Бескөл ауылында алаңдағы жаңа жылдық шырша өртеніп кетті, деп хабарлайды Zakon.kz.

Сағат 18:40-та ауылдың орталық алаңында тұрған шырша өртеніп кетті. Өрт 4 шаршы метр аумақты қамтыды, деп хабарлайды Петропавловск.news, өңірлік ТЖД-ның қоғаммен байланыс жөніндегі тобына сілтеме жасай отырып.

Өрт сөндірушілер келгенге дейін өрт сөндірілген. 

"Зардап шеккендер жоқ, өрттің шығуының алдын ала себебі – электр сымдарының қысқа тұйықталуы", – деді СҚО ТЖД.

Айта кетсек, Маңғыстау облысы Шетпе ауылында алаңда орнатылған бас шырша бір тәулікке жетпей құлап қалған болатын. Бұған қатты жел себеп екені айтылады.