Қолайсыз ауа райына байланысты үш өңірдегі тас жолдар ішінара жабылды

Жол жабылды, Алматы облысы, Жамбыл облысы, Ақтөбе облысы, сурет - Zakon.kz жаңалық 27.12.2023 21:54

Сурет: pixabay

"ҚазАвтоЖол" ҰК" АҚ баспасөз қызметі еліміздің үш өңіріндегі республикалық маңызы бар тас жолдардың 4 учаскесінде көлік қозғалысына шектеу енгізілгенін ескертті, деп хабарлайды Zakon.kz.

Ақтөбе облысы: "Самара-Шымкент" тас жолы, 844-965 км, "Аманат" кемпингінен Қарабұтақ аулына дейін – 121 км.

Алматы облысы: "Алматы-Ташкент-Термез" тас жолы, 59-143 км, Жаңақұрылыс аулынан Жамбыл облысының шекарасына дейін – 84 км.

Жамбыл облысында:

"Алматы-Ташкент-Термез" тас жолы, 159-238 км, Кенен аулынан Қайнар ауылына дейін – 79 км.
"Алматы-Ташкент-Термез" тас жолы, 143-214 км, Алматы облысының шекарасынан Қордай ауылына дейін – 71 км.

"Шектеу автокөліктің барлық түріне қолданылады (қар, бұрқасын, шектеулі көрініс).Қазіргі уақытта республикалықмаңызыбаравтожолдарда 272 бірлік техника жұмыс істеп жатыр", делінген хабарламада.

Айта кетсек, 28 желтоқсанда Астанада және Қазақстанның 15 облысында дауылды ескерту жарияланды.

Оқи отырыңыз