Қостанайда қонақүй өртеніп, бір әйел қаза тапты

30 желтоқсанда Дружба ауылында екі қабатты "Жібек жолы" қонақ үйінің ғимараты отқа оранды, деп хабарлайды Zakon.kz.

Төтеншеліктерге өрт туралы хабарлама сағат 11:00-де келіп түсті, деп жазады "Костанайские новости".

900 шаршы метрді құрайтын алаңның 450 шаршы метрін қызыл жалын жалмады: шатыр, екінші қабат және бірінші қабат ішінара өртенді. Оқыс оқиға орын алғанда ғимарат пайдалануда болмаған. 

Өрт сағат 13:18-де толығымен сөндірілді.

Өртті сөндіру барысында ғимарат ішінен әйелдің денесі табылды. Оқиғаның мән-жайы анықталу үстінде, өрттің туындау себептеріне қатысты тергеу жүргізіледі.

Өрт орнынан ең жақын елдімекенге дейінгі қашықтық 11 шақырымды құрайды.