Қостанайда өртеніп жатқан қару-жарақ дүкені жертөлесінде екі адам қалып кеткен

Қостанай қаласында Назарбаев көшесіндегі "Оружейное палата" дүкенінің ғимараты ортқа оранды, деп хабарлайды Zakon.kz.

От жақын маңдағы ТЖО, асхана және 8 жеке тұрғын үйдің шатырына ұласып, алапат өртке айналды.

Қару-жарақ дүкенінің иесі жанып жатқан ғимараттың жертөлесінде 2 адам қалып кеткенін айтты, бірақ оқ-дәрілердің жарылуына байланысты өрт сөндірушілер оларға жақындау мүмкін еместігін жеткізген.

Зардап шеккендер туралы ақпарат түспеді.

Өрт орнында жоғары деңгейдегі дабыл белгісі бойынша облыстық ТЖД-ның жеке құрамының 40 адамы мен 12 техникасы жұмыс істеп жатыр.