СҚО полицейлері шетел азаматынан тыйым салынған кітапты тәркіледі
![Полиция заң бұзған адамды ұстады, сурет - Zakon.kz жаңалық 24.01.2024 11:55](https://kaz.zakon.kz/pbi/WEBP/2024-01-24/file-d1d30e7f-5bed-4724-b399-bb33fb870b6d/400x225.webp)
Тексеру кезінде Қырғызстан Республикасына барған Ресей Федерациясының азаматынан кітап табылып, тәркіленді.
Бұл ҚР бүкіл аумағына әкелуге, басып шығаруға, сақтауға және таратуға тыйым салынған кітап болатын.
Шетелдікке қатысты ҚР ӘҚБтК-нің 453-бабының 4-бөлігі бойынша әкімшілік материал жиналды. Қызылжар аудандық сотының шешімімен ол айыппұл түріндегі жауапкершілікке тартылды.
СҚО ПД экстремизмге қарсы іс-қимыл басқармасының қызметкерлері діни әдебиеттерді, діни мазмұндағы өзге де ақпараттық материалдарды, діни мақсаттағы заттарды таратуға тек ғибадат үйлерінде, діни білім беру ұйымдарында, сондай-ақ жергілікті атқарушы органдар арнайы айқындаған стационарлық үй-жайларда ғана жол берілетінін еске салады.
Полицейлер экстремизмге қарсы жұмыс тұрақты негізде жүргізіліп жатқанын атап өтті. Өткен жылы облыста діни заңнамаға қатысты 24 бұзушылық анықталды.