Ақтөбе облысында төрт жасар бала сайдағы суға батып, мерт болды

Қайғылы оқиға 23 наурызда сағат 13:00 шамасында Байғанин ауданының Ебейті ауылында болған, деп хабарлайды Zakon.kz.

Төрт жасар бала еріген қар суына құлап, тұншығып опат болды, деп жазады "Диапазон" басылымы.

Оның қасында тағы бір бала – туысқан ағасы болған. Олар қар суы жиналған сайдың маңында ойнаған. Екінші бала - тірі. Ол арадағы су таяз, тереңдігі - 15 сантиметрге дейін, деп хабарлайды әкімдік.

Қайғылы оқиға үйден 150 метр қашықтықта болған.