Жылқы айдап кеткен: Ұлытау облысында полицейлер жоғалған тұрғынды тапты
Сурет: ҚР ІІМ
Қаражалдың 30 жастағы тұрғыны Жаңаарқа ауданы Түгіскен ауылдық округі мен Қаражал қаласы Шалғия кентінің елді мекендері арасында мотоциклмен жылқы айдау кезінде жоғалып кетті.
Үш күн бойы туыстары жоғалған жігітті өз күштерімен іздеп таба алмаған соң, полициядан көмек сұрады. Жедел-іздестіру жұмыстарына Қаражал қаласының полиция бөлімінің қызметкерлері, жергілікті төтенше жағдайлар бөлімі және жергілікті атқарушы билік өкілдері атсалысты.
Жоғалған адамды полицейлер Шалғия ауылынан 100 шақырым жерде даладан тапты.
"Мотоциклімнің жанар-жағар майы таусылып, ұялы байланыс мүлдем болмады. Адасқанымды сезіп, жақын жерден елді мекен іздеп көрмек болдым. Далада екі түнеп үшінші күні полиция қызметкерлері мені тауып алды. Полиция бөлімінің басшысына және барлық мені іздеуге атсалысқан жерлестеріме алғысымды айтамын", – дейді Еркебұлан Сәрсекеев.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
