Батыс Қазақстан облысының әкімі ардагерлерді Жеңіс күнімен құттықтады
Сурет: БҚО әкімдігі баспасөз қызметі
Биыл екінші дүниежүзілік соғыстың аяқталғанына - 79 жыл.
Іс-шараға еңбек ардагерлері, құқық қорғау саласының қызметкерлері, зиялы қауым өкілдері, қоғам белсенділері мен жастар қатысты.
Сурет: БҚО әкімдігі баспасөз қызметі
Жиналғандар сұрапыл соғыс жылдарында кеудесін отқа тосып, бейбітшілік үшін күрескен батырларға тағзым жасап, гүл шоқтарын қойды.
Гүл шоқтарын қою рәсімінен соң, БҚО әкімі Нариман Төреғалиев Орал қаласында тұратын соғыс және еңбек ардагерлерінің үйіне барды.
Атап айтқанда, Нариман Төреғалиев соғыс ардагерлері – Иван Гапичті, Вениамин Скаленконы және тыл ардагері – Ақбай Жайсаңды Жеңіс күнімен құттықтады.
Сурет: БҚО әкімдігі баспасөз қызметі
Сурет: БҚО әкімдігі баспасөз қызметі
Сурет: БҚО әкімдігі баспасөз қызметі
Облыс әкімі соғыс ардагерлеріне ҚР Президенті Қасым-Жомарт Кемелұлы Тоқаевтың атынан құттықтау хаттарын табыс етті.
"Ардагерлеріміздің ұлы ерлігін әрбір қазақстандық құрметтеп, есте сақтауы керек. Сіздердің арқаларыңызда қазіргі ұрпақ бейбіт күнде өмір сүріп жатыр. Ардагерлерге қамқорлық көрсету – біздің ортақ парызымыз. Оларға қолдау білдіру әрқашан мемлекеттің басты назарында болады" -деді облыс әкімі Нариман Төреғалиев.
Сурет: БҚО әкімдігі баспасөз қызметі
Қазіргі уақытта Батыс Қазақстан облысында ҰОС-ның 14 ардагері бар. Биыл 9 мамыр қарсаңында олардың әрқайсысына 1,5 млн.теңгеден әлеуметтік көмек берілді.
