Алматыда екі автокөлік соқтығысып, бір адам қаза тапты
Сурет: Zakon.kz
Райымбек даңғылының оң жақ шеткі жолағымен шығыс бағытта келе жатқан Toyota Camry автокөлігінің жүргізушісі Алтын бесік шағын ауданына қарай бұрылуды жоспарлаған. Осы уақытта Toyota Corolla көлігі автобус жолағымен жүріп келе жатқан. Ол оны байқамастан, бұрылуды бастап Toyota Corolla көлігіне ауыр соққы берген.
Нәтижесінде Toyota Camry көлігі жол жиегіне соғылған. Ал Toyota Corolla жолдан шығып, қатты соққыдан билбордқа соғылып, артынша тротуарға ұшып кеткен.
Сурет: Zakon.kz
Сурет: Zakon.kz
Жолдағы басқа жүргізушілер бірден көмекке жүгіріп, зардап шеккендерді Toyota Corolla-дан шығарған. Оқиға орнында бір адам жан тәсілім етті. Салоннан тағы үш адам, оның бірі 17 жастағы жасөспірім шығарылған.
Сурет: Zakon.kz
Тірі қалғандар жақын маңдағы ауруханаға, кәмелетке толмаған жолаушы балалар ауруханасына жатқызылды. Үшеуі де ауыр жағдайда болды.
Оқиға орнына келген полиция қызметкерлері жол-көлік оқиғасы кезінде Toyota Corolla көлігін кім басқарғанын анықтауда. Себебі, оқиғаның куәгерлері көліктің жанып кетуінен қорқып, барлығын көліктен шығарып тастаған. Өз кезегінде Toyota Camry көлігінің жүргізушісі куәлік береді.
Сурет: Zakon.kz
Айта кету керек, қазір пилоттық жоба аясында жеңіл автомобильдерге түнгі уақытта автобус жолағымен жүруге рұқсат етілген. Бірақ бұл ЖКО жағдайында маневр жасау ережесін сақтамау байқалады. Toyota Camry жүргізушісі бұрылысқа жол бермес бұрын маневрінің қауіпсіздігіне көз жеткізуі керек еді.
Сурет: Zakon.kz
Сурет: Zakon.kz
