Павлодар облысында суға батып кеткен жігіттің денесі іздестіріліп жатыр

10 маусымда сағат 14-30-да Кенжекөл ауылында Ертіс өзенінде шомылуға жабдықталмаған жерде 1999 жылы туған жігіт суға батып кеткені туралы хабарлама келіп түсті, деп хабарлайды Zakon.kz.

Павлодар облысы ТЖД баспасөз қызметі бір топ адам шомылуға жабдықталмаған жерде демалғанын нақтылайды.

ТЖД құтқарушыларының күшімен іздеу жұмыстары жапай жүргізіліп жатыр. 

Айта кетсек, бұған дейін ШҚО-да су қоймасына шомылуға барған балалар қайғылы жағдайға ұшырай жаздағанын хабарлаған болатынбыз.