Астанада Қабанбай батыр даңғылы қайтадан жабылады

Сурет: Zakon.kz

Астанадағы Қабанбай батыр даңғылында жөндеу жұмыстары жалғасуда. Бұл жолы Алматы көшесінен Орынбор көшесіне дейінгі учаске жабылады, деп хабарлайды Zakon.kz.

"Астана қаласының Көлік және жол-көлік инфрақұрылымын дамыту басқармасы" ММ Алматы көшесінен Орынбор көшесіне дейінгі учаскеде Қабанбай батыр даңғылында жол төсемінің жоғарғы қабатын төсеу бойынша жұмыстар жүргізілетіні туралы мәлімдеді.

Осыған байланысты ағымдағы жылдың 18 маусым сағат 21:00-ден 19 маусым сағат 21: 00-ге дейін жоғарыда аталған учаске толығымен жабылады(оның ішінде Керей Жәнібек хандар көшесі-Қабанбай батыр даңғылы қиылысы).

Ведомство елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды.

"Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз". Астана қаласының Көлік және жол-көлік инфрақұрылымын дамыту басқармасы

Бұған дейін Қабанбай батыр даңғылы бойынша Сығанақ көшесінен Алматы көшесіне дейінгі учаске толығымен жабылғанын хабарлаған болатынбыз.

Оқи отырыңыз