Ақмола облысында бір күнде екі бала қайғылы жағдайға ұшырады
Сурет: pixabay
Ақмолалық құтқарушылар дабыл қағуда. Бүгін бір бала суға батып кетсе, ал екіншісі терезеден құлап кеткен, деп хабарлайды Zakon.kz.
Бірінші оқиға Жақсы ауданында орын алды. 2013 жылы туған бала досымен бірге шомылмақшы болып Қайрақты өзеніне барған. Алайда, мұның соңы қайғылы оқиғамен аяқталды. Айта кетерлік жайт, бала суға батып кеткен жер шомылуға немесе балық аулауға арналмаған. Бұған шомылуға тыйым салатын белгілер дәлел.
"Екінші жазатайым оқиға Шортанды ауданында болды. Жеке балабақшалардың бірінде ересектердің қарауынсыз қалған 2020 жылы туған бала 2 қабаттың терезесінен құлап түсті. Қазіргі уақытта бала жан сақтау бөлімінде", - дейді құтқарушылар.
Ақмола облысының ТЖД халықты судағы және тұрмыстағы қауіпсіздік шараларын сақтауға, балаларды қараусыз қалдырмауға шақырады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
