Алматыда көпқабатты тұрғын үйде өрт болып, 50-ге жуық адам эвакуацияланды

19 маусымда Алматыда көпқабатты тұрғын үйлердің бірінде өрт болды, деп хабарлайды Zakon.kz.

ҚР ТЖМ баспасөз қызметінің хабарлауынша, өртенген пәтерде жиһаздар отқа оранған.

"Өрт сөндірушілер тұрғын үйдің 48 тұрғынын эвакуациялады, оның ішінде сегіз бала, одан бөлек үш мысық пен бір ит бар. Зардап шеккендер жоқ, өрттің шығу себебі анықталуда", делінген хабарламада.

ТЖМ күнделікті өмірде өрт қауіпсіздігі ережелерін сақтауды ескертеді.