Павлодарда жас жігіт орталық жағажайдағы суға батып кетті

28 маусымда сағат 16:00-де Павлодардағы орталық жағажайда 19 жасар жігіттің суға батып кеткені туралы ақпарат келіп түсті, деп хабарлайды Zakon.kz.

Өңірдің ТЖД баспасөз қызметінің мәліметінше, жұмадан бастап іздеу жұмыстары жүргізілген. 30 маусымда кешке куәгерлер оның денесін тапты. Мәйіт судан ОСО күштерімен шығарылды.

Айта кетейік, сол күні, 28 маусымда сағат 00:58-де Торайғыр көліне шомылуға барған 11 және 13 жастағы ағайынды екі бала суға батып кетті. Жеткіншектер шомылуға тыйым салынған жерде суға түскен.