Ауғандық азамат Қазақстанда 15 жылдан астам мерзімге бас бостандығынан айырылды

Шымкент қаласының қылмыстық істер жөніндегі мамандандырылған ауданаралық сотында Ауғанстан азаматына есірткі контрабандасы туралы іс бойынша үкім шығарылды, деп хабарлайды Zakon.kz.

Оған тағылған айыптар: 

• ҚК-нің 286-бабының 4-бөлігімен (айналыстан алып қойылған заттардың немесе айналысы шектелген заттардың контрабандасы),
• 297-бабы 3-бөлігінің 1), 3), 5) тармақтарымен (есірткі ж.б. өткізу мақсатында заңсыз дайындау, қайта өңдеу, иемден, сақта, тасымалда, жөнелту не өткізу) айыпталған.

Сотта анықталғандай, Х.П. Ауғанстан Ислам Республикасының басқа азаматтарымен алдын-ала сөз байласу арқылы, адамдар  тобында ҚР шекарасынан жүк көлігімен аса ірі мөлшерде 3 килограммнан астам метамфетамин психотроптық затын «Кола» сусынының ыдысына жасырып кұйып, заңсыз өткізген. Одан әрі, осы психотропты заттарды заңсыз өткізу мақсатында Ресей Федерациясына тасымалдамау кезінде, Шымкент қаласы бойынша ҰҚК-нің қызметкерлерімен құрықталған.

"Жоғарыда көрсетілген мән-жайларды ескере отырып, Х.М.П. ҚК-нің 286-бабының 4-бөлігімен, 297-бабы 3-бөлігінің 1), 3), 5) тармақтарымен кінәлі деп танылып, оған түпкілікті 15 жыл 6 ай мерзімге бас бостандығынан айыру жазасы тағайындады". Шымкент қалалық сотының баспасөз қызметі

Сот үкімі күшіне енбеді.