Жетісу облысында жыл басынан бері ЖКО бойынша 203 қылмыстық іс тіркелді

Заң бұзған адам жауапқа тартылды, сурет - Zakon.kz жаңалық 22.07.2024 10:47

Сурет: ҚР ІІМ

Қазіргі уақытта өзекті мәселелердің бірі – жол қозғалысының қауіпсіздігі. Соңғы уақытта өңіріміздің автомобиль жолдарында жол-көлік оқиғалары жиілеп кетті.

Атап айтқанда жыл басынан бері жол-көлік оқиғалары бойынша 203 қылмыстық іс тіркелді.

"Оның ішінде 67 қылмыстық іс бойынша адам өлімі орын алған, 19 іс мас күйінде көлік жүргізуге байланысты болды. Бұл ретте жүргізушілер көлік құралдарын басқару құқығынан айырылды. Шілде айының 17 күнінде ғана жол-көлік оқиғалары бойынша 20 қылмыстық іс тіркелді", – деп атап өтті ПД анықтау басқармасы бастығының орынбасары Айдос Есімбеков.

Мұның бәрі қалалық және аудандық жолдарда болады, себебі көліктер саны күннен-күнге артып келеді және көптеген жүргізушілер жол ережелерін сақтамайды.

Ең қорқыныштысы – жол апатындағы балалардың өлімі. Полиция жол қозғалысының барлық қатысушыларын жол ережелерін қатаң сақтауға шақырады.

Жол-көлік оқиғаларын алдын алу – бұл құзыретті органдардың ғана емес, бүкіл қоғамның міндеті. Сіздің зейініңіз бен жолдағы тәртіп көптеген адамдардың өмірі мен денсаулығын сақтай алады.

Оқи отырыңыз