Астанада жаңа автобус бағыты пайда болады

Алдағы күндері елордада № 62 жаңа бағыты іске қосылады, деп хабарлайды Zakon.kz.

City Transportation Systems мәліметінше, бағдар "Үркер" және "Отау" шағын аудандарын байланыстырады. "Сарыарка" ОСО, "Әзірет Сұлтан" мешіті, № 2 қалалық балалар ауруханасы сияқты негізгі орындар арқылы өтеді.

"Бағытқа қатынау жиілігі 11-20 минут болатын 15 автобус қызмет көрсетеді.Бағдарды іске қосу күнін және қозғалыс сызбасын қосымша хабарлаймыз".City Transportation Systems

Бұл осы жылы іске қосылатын сегізінші жаңа бағдар. Бұған дейін №42, №55, №58, №63, №201, №202, №203 бағдарлары қосылған болатын.