Бишімбаевтың үкімін жеңілдету сылтауымен 100 млн теңге пара алған әйелге қатысты тергеу аяқталды
Фото: Telegram/Jogargy_sot
Сыбайлас жемқорлыққа қарсы іс-қимыл агенттігінің ресми өкілі Данияр Бигайдаров 7 тамызда өткен брифингте Қуандық Бишімбаевтың үкімін жеңілдетіп беремін деп алдаусыратып, пара алған елорда тұрғынына қатысты істі тергеу аяқталғанын айтты, деп хабарлайды Zakon.kz.
Ол сотталған Бишімбаевтың туыстарының өтініші бойынша Антикор сотқа дейінгі тергеу жүргізгенін еске салды.
"Ол Бишімбаевтың үкімін жеңілдету сылтауымен аса ірі көлемде алаяқтыққа оқталуға, яғни алдау арқылы 100 млн теңгені иемденуге күдікті ретінде танылды. Сонымен қатар, күдіктінің іс – әрекеті аса ірі мөлшерде пара беруге итермелеу ретінде сараланады", — деп толықтырды Данияр Бигайдаров.
Оның айтуынша, оның қылмыстық әрекеттердің басқа эпизодтары тексеріліп жатыр.
"Оған қатысты "қамауда ұстау" бұлтартпау шарасы таңдалды. Қазіргі уақытта тергеу аяқталды. Қылмыстық іспен танысу жалғасуда", — деп қорытындылады спикер.
Естеріңізге сала кетейік, 2024 жылдың 13 мамырында Қуандық Бишімбаев 24 жылға бас бостандығынан айырылды. 21 маусымда Астана тұрғыны Қуандық Бишімбаевтың үкімін жеңілдету сылтауымен алдау арқылы 100 млн теңге ұрлады деген күдікке ілінгені белгілі болды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
