Петропавлда тұрғындардың шағымынан кейін автосервиске айыппұл салынды

Петропавл қаласының полицейлері қала тұрғындарының шағымына жауап беріп, тұрғын үйлердің жанында орналасқан шулы автосервиске айыппұл салды, деп хабарлайды Zakon.kz.

"Петропавловск.news" ақпаратынша, автосервисте өндірістік шулардан басқа, қатты музыка ойнайтын көрінеді. Құқық бұзушылыққа жол берген автосервис қызметкері жауапқа тартылды.

"Сонымен қатар, полицейлер басқа қызметкерлермен және мекеме басшылығымен түнгі уақытта тыныштықты бұзбау туралы қосымша профилактикалық әңгіме өткізді", – делінген басылымда.

Ал, Атбасарда адам өліміне әкелген ЖКО жасаған полицей оқиға орнынан қашып кеткен.