Қазақстанда ескі лифттерді 2025 жылдың ақпан айының ортасына дейін ауыстыру жоспарлануда

Сурет: pixabay

Қазақстандағы ескі лифтілер 2025 жылдың ақпан айының ортасына дейін жаңартылады. Бұл туралы ақпарат 2024 жылғы 21 тамызда Сауда және интеграция министрлігінде Техникалық реттеу және метрология мәселелері жөніндегі комиссияның отырысында айтылды, деп хабарлайды Zakon.kz.

Атап айтқанда, ескі лифтілер қатарына 25 жылдан бері пайдаланып келе жатқандары жатады.

"2025 жылдың 15 ақпанына дейін ЕАЭО-ға мүше мемлекеттер егер паспортта қызмет ету мерзімі туралы ақпарат болмаса, 25 жылдан астам пайдаланылатын лифтілерді ауыстыруы тиіс. Бұл талаптар 2013 жылғы 15 ақпанда күшіне енген КО ТР 011/2011 "Лифтілердің қауіпсіздігі" техникалық регламентінде бекітілген",- деп түсіндірді министрлік.

Мұнымен қоса, ҚР Өнеркәсіп және құрылыс министрлігі ағымдағы жылы 224 лифтіні, ал келесі жылы 300-ден астамын ауыстыруды жоспарлаған.

2024 жылғы 15 маусымда Астанадағы мектептердің бірінде әйел адам лифт шахтасына құлап кетті.

Оқи отырыңыз