Астанада балалар алаңына жабайы аралар ұя салып, бүлдіршіндерге қауіп төнді

20 қыркүйекте Астанадағы тұрғын үй кешендерінің біріндегі балалар алаңынан жабайы аралар салған көлемді ұя табылды, деп хабарлайды Zakon.kz.

Оқиға орнына ТЖМ жедел-құтқару жасағының қызметкерлері келіп, ара ұясын алу үшін қажетті шараларды қабылдады.

"Құтқарушылардың үйлесімді және жедел әрекеттерінің арқасында енді балалар алаңда қауіпсіз ойнай алады", делінген министрлік хабарламасында.