Астанада екінші аусымда оқитын 9-сыныпқа дейінгі оқушылар қашықтан оқуға көшті

Астанада ауа райының қолайсыздығына байланысты сабақтардың қашықтан оқыту форматы жалғасуда, деп хабарлайды Zakon.kz.

Елорданың білім басқармасының ақпаратынша, 2024 жылғы 7 қараша күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады.

Айта кетейік, ауа райының күрт нашарлауына байланысты елордалық бірінші ауысымда оқитын 7-сыныпқа дейінгі оқушылар сабақты қашықтан оқуға көшкен болатын. 

Бұған дейін 6 қарашада Астана әуежайында қолайсыз ауа райына байланысты рейстер кешіктірілгені хабарланған болатын.