Астанада лак-бояу өнімдері сақталған қойма өртенді

Астанада өрт сөндірушілер лак-бояу өнімдері сақталған ангар үлгісіндегі қоймадағы қызыл жалынмен күресті, деп хабарлайды Zakon.kz.

Оқиға орнына 26 өрт сөндіруші пен бес арнайы техника жұмылдырылды. 

"Алматы ауданы Жамбыл Жабаев көшесінде орналасқан лак-бояу өнімдері сақталған қойма өртеніп жатқаны туралы ақпарат кезекші байланыс желісіне 30 қарашада таңертеңгі сағат 08.17 уақытында келіп түскен. Өртті ауыздықтау сағат 09-26 шамасында мүмкін болды", делінген ҚР ТЖМ баспасөз қызметінің хабарламасында.

Зардап шеккендер жоқ. Оқиғаның мән-жайы нақтылануда.