Полиция Шерзат Полаттың ағасы өзіне қол жұмсар алдында жазған хабарламаларын көрсетті

Алматы облыстық полиция департаменті бастығының бірінші орынбасары Бағдат Әшімов алдын ала мәліметтерге сәйкес, ол асылу арқылы өз-өзіне қол жұмсаған деп мәлімдеді.

Талғар қаласының маңында 30 жастағы ер адамның мәйіті табылғаны бойынша, келесіні хабарлаймыз:

"Алдын ала мәліметтерге сәйкес, ол асылу арқылы өз-өзіне қол жұмсаған. Марқұм ағымдағы жылдың 4 қазанында қайғылы қаза тапқан кәмелетке толмаған Шерзат Полаттың ағасы екені анықталды." Алматы облыстық полиция департаменті бастығының бірінші орынбасары Бағдат Әшімов

Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды.

"Хабарламада ол туысқандарымен қоштасып, жиенінің жанына жерлеуді сұрады. Бұл факті бойынша қылмыстық іс қозғалды." Алматы облыстық полиция департаменті бастығының бірінші орынбасары Бағдат Әшімов

Сурет: Instagram/police_almobl

Қазіргі уақытта барлық жағдайларды анықтау үшін тергеу амалдары жүргізілуде.

"Құрметті азаматтар, тек ресми дереккөздерге сенуіңізді сұраймыз және жалған ақпаратты тарату қылмыстық жауапкершілікке дейін әкелуі мүмкін екенін еске саламыз!" Алматы облыстық полиция департаменті бастығының бірінші орынбасары Бағдат Әшімов