Аягөз ауданында жүк көлігінің жүргізушісінен құжатсыз тасымалданған үш тонна шортан тәркіленді

2025 жылғы 4 желтоқсанда Аягөз ауданында полицейлер ілеспе құжаттарсыз ауланған балықтың ірі партиясын тасымалдауды тоқтатты, деп хабарлайды Zakon.kz.

ABAI NEWS Telegram-арнасының ақпаратынша, көлік Аягөз ауданында автожолдың 767 шақырымында тоқтатылды. КАМАЗ маркалы жүк көлігін 66 жастағы азамат басқарған. Анықталғандай, жүргізуші Тұғыл ауылынан Үшарал қаласына қажетті құжаттарсыз үш тонна шортанды тасымалдамақ болған.

"Нәтижесінде жүргізуші мен көлік құралы одан әрі тексеріс үшін Аягөз қаласының полиция бөліміне жеткізілді", – делінген құқық қорғау органдарының ақпаратында.

Сурет: pixabay

Бұған дейін Абай облысында өзенге көліктің құлап кеткені хабарланған болатын.