Ақтөбелік келіншек перзентханада жаңа туған нәрестесін сатқан

Ақтөбеде полиция перзентханадағы сәби сату дерегін тергеп жатыр, деп хабарлайды Zakon.kz.

БАҚ-та әйелдің 2024 жылдың тамызында облыстық перинаталдық орталықта босанғаны және сәбиді дүниеге әкелгеннен кейін оны басқа адамдарға бергендігі жайлы ақпарат пайда болды. Тергеушілер дәрігерлердің бұл "мәмілеге" тікелей қатысы бар-жоқтығын тексеруде.

2025 жылдың 20 қаңтарында полиция департаменті ақпаратқа түсініктеме берді.

"Ақтөбе облысының полициясы перзентханада жаңа туған нәрестені сату фактісі бойынша қылмыстық іс қозғады. Барлық мән-жайлар мен қатысы бар адамдарды анықтау үшін қажетті тергеу әрекеттері жүргізілуде", – делінген ақпаратта.

Тергеу жалғасуда.

Бұған дейін Таразда перзентхананың екі акушердің нәрестені 1,5 млн теңгеге сатқаны үшін 8 жылға бас бостандығынан айырылғандығы хабарланған болатын.