Қарағанды облысында ұйытқыған желден жолаушылар автобусы аударылды

Қарағанды облысында екпінді жел жолаушылар автобусын аударып жіберді, деп хабарлайды Zakon.kz.

Аймақ полициясының мәліметінше, 21 қаңтар күні сағат 08:54-те Петровка ауылының маңындағы Бастау – Ақтау-Теміртау Республикалық маңызы бар тас жолында Ботақара–Қарағанды бағыты бойынша келе жатқан №84 автобус аударылды.

"Алдын ала мәлімет бойынша, оқиғаның себебі екпінді жел болды, бұл автобустың тұрақтылығын жоғалтуға және оның бүйіріне қарай аударылуына әкелді. Оқиға болған кезде салонда 17 жолаушы болған. Абырой болғанда, ешқайсысы зардап шеккен жоқ", – деп хабарлады ПД.

Полиция қызметкерлері оқиға орнына жедел келіп, жолаушыларға көмек көрсетіп, оларды жол бойындағы үйге эвакуациялады.

Бұған дейін Қарағанды – Астана тас жолында қарлы бораннан көлік кептелісі пайда болғандығы хабарланған болатын.