Атырауда 19 жастағы жігіт көп қабатты үйдің шатырынан секірмек болды

Атырауда полиция қызметкерлері қайғылы оқиғаның алдын алды. Олар көп қабатты үйдің төбесінен секірмек болған 19 жастағы жігітті құтқарып қалды, деп хабарлайды Zakon.kz.

ҚР ІІМ ақпаратынша, полицияға жігіттің қарындасы жүгінді. Ол ағасының өзін-өзі өлтіруге ниетті екенін айтып, көмек сұраған. Оқиға Алмагүл шағын ауданында болды.

"Полиция қызметкерлері жағдайды тез арада бағдарлап, 19 жастағы жігітті шатырдан түсуге көндірді, осылайша қайғылы жағдайдың алдын алды",-делінген ведомствоның ресми ақпаратында.

Жас жігітті жедел-тергеу тобына тапсырды. Факт бойынша тексеру жүріп жатыр.

Бұған дейін балаларының түнгі жүрісі үшін 150 шымкенттік жауапқа тартылғандығы хабарланған болатын.