ҰҚК қазақстандықты 13 келі мефедронмен ұстағанын хабарлады

2025 жылдың ақпан айында Ұлттық қауіпсіздік комитетінің (ҰҚК) Жамбыл облысы және Алматы қаласы бойынша департаменттері прокуратурамен келісе отырып, есірткі жеткізу арнасының жұмысын тоқтатты, деп хабарлайды Zakon.kz.

Бұл туралы бүгін, 28 ақпанда Ұлттық қауіпсіздік комитеті хабарлады.

2025 жылдың ақпанында ҰҚК Жамбыл облысы және Алматы қаласы бойынша департаменттері прокуратура органдарының үйлестіруімен есірткі жеткізу арнасының жолын кесті. Сот санкциясымен Қазақстан азаматы ұсталып, қамауға алынды. Одан 13 кг психотроптық "мефедрон" зат тәркіленді.

Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізілуде.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды. ҰҚК баспасөз қызметі