Алматыда жүгіруден өткен марафон кезінде екі адам көз жұмды

Бүгін Almaty Half Marathon жарысы кезінде оған қатысушы екі адам қаза тапты. Бірі – 84 жастағы Аққоян Рысәлиев, екіншісі - 21 жастағы Нұрбол Ахмади, деп хабарлайды Zakon.kz.

Қаралы хабар ақпарат жарыс ұйымдастырушылардың сайтында пайда болды. Қаза тапқандар жартылай марафон қашықтығында (21,1 км) жүгіріп жүрген, Алматыдағы осындай спорттық іс-шаралардың тұрақты қатысушылары болып табылатыны нақтыланады.

"Ұйымдастырушылар регламентке сәйкес әрекет етті: медициналық қызметтер, шұғыл қызметтер және полиция - барлығы шұғыл әрі уақтылы болды. Қабылданған шараларға қарамастан, қатысушылардың өмірін сақтап қалу мүмкін болмады", делінген сайтта.

Аққоян Рысәлиев 2021 жылдан бері марафондарда үнемі жүгіріп жүрген азамат. Бүгін, 20 сәуірде жартылай марафон кезінде бір шақырым қашықтықты игергенде ол кенеттен өзін жайсыз сезінген. Бір минуттан кейін оған жедел жәрдем бригадасы келіп жетті, бірақ ол кезде тамыр соғысы болмаған.

"Реанимациялық іс-шаралар хаттамаға сәйкес өткізілді. Алдын ала қорытынды – өкпе артериясының тромбоэмболиясы. Созылмалы артериялық гипертензиясы болған", - деді бригада дәрігері Әлібек Қожаназаров.

Екінші марқұм - Нұрбол Ахмади бұрын Winter Run 2025 жарысында 10 шақырым қашықтықтағы марафонға қатысқан, Астана мен Алматыдағы жартылай марафонға, сондай-ақ Алматыдағы марафонға тіркелген. 

Жас жігіт 16 шақырым қашықтықта есінен танған.

"Біз келгенде ұйқы артериясында пульс болмады, демі де болмады, ал қан қысымы нөл еді. Реанимациялық іс-шаралар хаттамаға сәйкес өткізілді. Сәтсіз болды. Кісі өлім 103 бригадасы келіп жеткенде дейін болған. Алдын ала диагноз – өкпе артериясының тромбоэмболиясы, жіті жүрек жеткіліксіздігі", – деді 8/58 бригада дәрігері Әйгерім Есдәулетова.

Марқұмдардың өлімінің түпкілікті себептері сот-медициналық сараптаманың қорытындылары алынғанда белгілі болады. Оның нәтижелері жақын арада туыстарына хабарланады.

"Смелость быть первым" корпоративтік қорының атқарушы директоры Салтанат Қазыбаеваның айтуынша, жарысқа тіркелу кезінде барлық қатысушы спорттық іс-шараға қатысуға дайын және өз денсаулығына толық жауапты екендігі туралы қолхатқа қол қояды. Ол мұндай марафондарды өткізудегі стандартты әлемдік тәжірибе екенін айтты.

Бұған дейін Almaty Half Marathon 2025-ке әлемнің 40-тан астам елінен 10 000 адам қатысатыны хабарланған болатын. Жарыс Тұңғыш Президент саябағынан басталып, орталық стадионда аяқталады.