Қарағанды облысында тоғай өртенді

2025 жылы 27 сәуірде Қарқаралы ауданының Айнабұлақ ауылынан 20 шақырым қашықтықтағы Бақты орман шаруашылығының ашық аумағында құрғақ шөптер мен тоғай өрті тіркелді, деп хабарлайды Zakon.kz.

Қазақстан ТЖМ құтқарушылары Қарағанды облысында табиғи өртті оқшаулады. 

"Қазіргі уақытта ТЖМ әуе кемелерімен 6 су төгу жұмысы іске асырылды. Өртті жоюға жеке құрамның 157 адамы, 26 бірлік техника, бір пилотсыз ұшу аппараты, су төгетін құрылғылары бар ТЖМ Қазавиақұтқару үш әуе кемесі, бір Қазавиақорғау тікұшағы, ЖАО, Бақты орманшылығы, Кува орман шаруашылығы қызметкерлері, Қазавиақорғау десантшылары және ауылдық аймақтардың ерікті өрт сөндіру құралымдары жұмылдырылды", делінген төтеншеліктер хабарламасында.

Бұған дейін ТЖМ саяжай және бау-бақша учаскелері иелеріне қатысты мәлімдемесін жариялаған болатынбыз.