Бортында үш адам бар ұшақ мәжбүрлі түрде Қызылорда облысына қонды

"Таң-Құмкөл" бағытында ұшқан АН-2 ұшағы мәжбүрлі түрде Қызылорда облысына қонды, деп хабарлайды Zakon.kz.

ҚР ТЖМ мәліметіне сүйенсек, бортта үш адам болған. Байланыс үзілгендіктен олардың қайда екені белгісіз болды.

Жедел іздестіруге ТЖМ барлық күштері мен құралдары тартылды. Сондай-ақ іздестіру жұмыстарын жүргізу үшін ҚР ТЖМ "Қазавиақұтқару" АҚ тікұшағы жұмылдырылды.

Іздестіру тобының жедел және үйлесімді іс-қимылдарының арқасында 8 сағаттан кейін түнде жоғалғандар ай даладан табылып, Қызылорда облысы Сырдария ауданы Тереңөзек кентіне жеткізілді.

"Олар медициналық көмекке мұқтаж болған жоқ",- делінген ақпаратта.

Бұған дейін Түркістан облысында оқушылар мінген автобус апатқа ұшырағандығы хабарланған болатын.