Астана – Франкфурт рейсі: Air Astana ұшағы Ақтөбеге мәжбүрлі түрде қонды

8 мамыр 2026 жылы Астана – Франкфурт бағыты бойынша ұшқан Air Astana рейсі Ақтөбе қаласына мәжбүрлі қону жасады, деп хабарлайды Zakon.kz.

Авиакомпанияның баспасөз қызметінің хабарлауынша, KC921 рейсі Астанадан сағат 08:54-те ұшып шыққан және техникалық себепке байланысты Ақтөбе әуежайына 11:34-те қонған.

"Экипаж ұшу қауіпсіздігіне қатысты стандартты рәсімдерге сәйкес қону туралы шешім қабылдады. Қону қалыпты режимде өтті", – делінген хабарламада.

Air Astana компаниясы жолаушыларды әрі қарай тасымалдау үшін Алматы қаласынан резервтік ұшақ жіберген.

Рейстің Ақтөбеден қайта ұшуы 14:20-ға жоспарланған.

"Авиакомпания жолаушыларға келтірілген қолайсыздықтар үшін кешірім сұрайды", – деп мәлімдеді компания өкілдері.

Айта кетейік, 2026 жылғы 6 мамырда Швейцарияға тиесілі ұшақ Қазақстан әуе кеңістігінде апат сигналы беріп, Алматыға қонуға мәжбүр болған еді. Сондай-ақ Сеул – Цюрих бағытымен ұшқан Swiss әуе компаниясының ұшағы Қазақстан үстінде бағытын өзгертіп, Алматы әуежайына қонған жағдай тіркелген.