Ақтауда кездейсоқ адам суға батып бара жатқан жасөспірімді құтқарып қалды

Ақтауда теңіз жағалауында суға батып бара жатқан 14 жасар оқушы құтқарылды. Оны сол маңнан өтіп бара жатқан кездейсоқ жолаушы байқап, көмекке асыққан, деп хабарлайды Zakon.kz.

Маңғыстау облыстық ТЖД мәліметінше, құтқарушылар жасөспірімді дәрігерлерге қанағаттанарлық жағдайда тапсырған.

"28 мамырда сағат 14:55-те  7А ықшам ауданы маңында Каспий теңізінің жағалауында суға кеткен жасөспірімді құтқару мүмкін болды. Бұл маң суға шомылуға арналмаған", - дейді құтқарушылар.

Оқиға орнына келген Маңғыстау облысы ТЖД авариялық-құтқару жасағының мамандары 2011 жылғы балаға алғашқы көмек көрсетіп, одан кейін оны жедел жәрдем бригадасына тапсырды. Белгілі болғандай, бала арнайы жабдықталмаған маңда шомылып, суға бата жаздаған.

Маңғыстау облысында 2018 жылдан 2024 жылға дейін 82 адам суға батқан, оның 19-ы – балалар. Статистикаға сәйкес, қайғылы оқиғалардың ең көп жағдайы шомылуға тыйым салынған орындарда тіркелген.