Алматыда дүкенге шыққан 89 жастағы қейуана үйіне жетпей, көз жұмды

11 маусымда Алматыда "Три богатыря" тұрғын үй кешені маңындағы дүкен алдында 89 жастағы кейуана көз жұмды, деп хабарлайды Zakon.kz.

Қауіпсіздік камераларындағы бейнені сүзіп шыққан сатушының айтуынша, қария дүкеннен шыққан соң құлаған.

Осы уақытта артқа қарай қозғалған "Газель" зейнеткерді іліп кеткен. 

Куәгерлердің айтуынша, соққыдан кейін де егде жастағы әйел тірі болған, тіпті су да ішкен.

Алайда кейінірек оқиға орнына жеткен жедел жәрдем дәрігерлері оның өлімін тіркеді. 

Сондай-ақ ақ халаттылар егде жастағы әйелдің бір жақ қырында гематома барын айтқан.