Алматыда жол қауіпсіздігі интеллектуалды жүйелердің көмегімен күшейтілуде

Заманауи технологиялар жол қауіпсіздігін қамтамасыз етуде полицияның сенімді көмекшілеріне айналуда.

Бүгінгі таңда Алматыда "Заң және Тәртіп" қағидатын жүзеге асыру аясында заң бұзушыларды анықтауға бағытталған бейнетіркеу және интеллектуалды бақылау жүйесі белсенді түрде қолданылуда.

Жол қозғалысы ережелерін жүйелі түрде елемейтін, айыппұл төлеуден жасырынып жүрген, сондай-ақ жалған немесе оқылмайтын мемлекеттік тіркеу нөмірлерімен жүретіндерге ерекше назар аударылады.

Негізгі құралдардың бірі, басқа жол қозғалысына қатысушыларға қауіп төндіретін көліктерді нақты уақыт режимінде тіркейтін "Қорғау – қауіпті жүргізуші" интеллектуалды жүйесі болды.

"Цифрлық шешімдерді біріктірудің арқасында полиция қызметкерлері жүйелік дабылдарға жедел әрекет етіп, тәртіп бұзушыларды тоқтатып, оларды жауапкершілікке тарта алады. Бұл жазалау шарасы емес, бұл жолдарды қауіпсіз ететін және қоғамда заңды құрметтеу мәдениетін қалыптастыратын профилактикалық шара", – деді Алматы қалалық ПД жергілікті полиция қызметі басқармасының бастығы Серік Шумаев.