Спорт жаңалықтары 
Алматыдағы ауыр жол апаты: автобус Audi мен ішінде бала отырған Tank көлігін бірге іліп әкетті
Сурет: Zakon.kz
Жангелдин мен Жүргенов көшелерінің қиылысында №8 автобус, Audi 80 және Tank 500 жол талғамайтын көлігі соқтығысты.
Сурет: Zakon.kz
Қоғамдық көлік жүргізушісінің айтуынша, ол Жангелдин көшесімен оңтүстік бағытта келе жатқан. Осы уақытта Жүргенов көшесімен арадағы қиылыстан Audi жолға атып шығады. Көлік алдымен тоқтап, автобусты өткізіп жібермек болады, бірақ содан кейін кенеттен ол жүрісін жалғастырып, автобус алдына кесе көлденең шыққан.
Сурет: Zakon.kz
Автобус жеңіл көлікті іліп кетеді. Қозғалыс барысында ол жол шетінде тұрған Тank 500-ге барып, жапсырыла соғылады. Ал ол көлік ішінде гүл сататын дүкенге кіріп кеткен әкесін күтіп кішкентай қыз отырған.
Осыдан кейін автобус 20 метрге дейін жол талғамайтын көлікті де сүйреп әкетеді, бақытқа орай оның ішіндегі бала қатты зардап шекпеген.
Сурет: Zakon.kz
Жол апаты кезінде автобуста 7-8 жолаушы болған, олардың ешқайсысы медициналық көмекке жүгінбеген. Бірақ Audi жүргізушісі салон ішіне қысылып қалған. Құтқарушылар оны мыжылған көліктен алып шығуға мәжбүр болды.
