СҚО-да орманға саңырауқұлақ теруге кетіп, жоғалып кеткен әжей табылды

31 шілдеде 73 жастағы әжей таңертең күйеуімен бірге саңырауқұлақ теруге орманға шығып, серуендеу кезінде адасып кеткен және оның қайда екені ұзақ уақыт бойы белгісіз болған, деп хабарлайды Zakon.kz.

Жоғалған адамның туыстары ТЖД-дан көмек сұрады. 

"Іздестіру жұмыстары Солтүстік Қазақстан облысы Қызылжар ауданы Шаховское ауылының маңында жүргізілді. Орман алқабын тексеру үшін құтқарушылар барлық қажетті құралдарды, соның ішінде ұшқышсыз ұшу аппараты мен кинологиялық жасақты жұмылдырды. ТЖМ іздестіру тобы жоғалған адамды Шаховское ауылынан 6 шақырым жерде тапты", делінген хабарламада.

Оған медициналық көмек қажет болмағаны да нақтыланады.

Бұған дейін Алматы тауларында із-түзсіз жоғалып кеткен 20 жастағы жасөспірім өлі күйінде табылғаны хабарланған.